enti tutti, v’affacciàti,
li finestri sbarracàti,
vecchi, giovani e carùsi,
nun tiniti ‘i porti chiùsi!
Am’a fari la nuvèna
a Maria di gratia plena,
Am’a fari lu Natàli
comu un tempu, tali e quali!
Am’a fari comu quànnu,
a dicèmbri d’ogni annu,
Melu, Peppi e Lucianu
ripitìvanu l’arcànu
e cantavanu ‘u misteru
di lu Figliu di Diu veru
chi pì nui fu ‘nterra natu,
‘nni ‘stu munnu ha abitatu
e di po’, murennu ‘ncruci,
‘nni dunà l’eterna luci!…
II
irriànnu pì ogni stràta
di pinnìnu e di muntàta,
chi chiuvìva e nivicàva,
lu terzettu raccuntàva
comu parturìu Marìa
a Betlemmi lu Messìa!
Cu lu vèntu e li ilàti
di ddì rìgidi mmirnàti
pì vuscàrisi lu pàni
chìddi pòviri cristiàni
‘ntra ogni casa e ogni putìa
cci cantàvanu ‘a litanìa…
Melu avìa lu circhiettu
cu lu ritmo perfettu,
Lucianu l’azzarino
cu lu tònu sopraffìnu;
Peppi pòi la melodìa
cu ‘a chitarra cci facìa…
..-..
li genti, nichi e granni,
si scurdàvanu l’affànni
ricurdànnu sulamènti
ca Natali era ‘mminenti.
‘Nni li casi ‘nfacinnàti
si ‘mpastàvanu i virciddàti!…
Cu’ Giuseppi e cu’ Maria
chi purtàvanu alligrìa
‘nni lu cori di la genti
cc’era gioia veramenti
e ‘un pinsavanu a lu mali
ma facìanu ‘u “bon Natali”!
Si ‘mmitàvanu i parenti,
si facìanu cumpilimenti…
Si lu poviru ‘un putìva
lu vicinu ‘ntervenìva:
E pì chìssu a tutti bànni
si facìa ‘na festa granni!
IV
ni’ la Missa principali
di la notti di Natali
la Matrìci era china
di fedèli e di parrìna
e facìvanu a lu Gloria
di Betlemmi la memòria!…
Ora i tempi su’ cangiati,
Tanti cosi su’ scurdati…
Semu chini d’arroganza
pirchì avèmu l’abbunnanza!
Ora cchiu’ nun manca nenti
ma lu cori ‘un iè cuntenti!..
Pi’ Natàli, cridi a mìa,
servi amùri e poesìa!
Tra spumanti e panittùna
chi nnì offri la furtùna
ricurdàri nun iè vànu
Melu, Peppi e Luci
L’Assessore ai BB. CC. Il Sindaco
(Prof. Angelo Barba) (Dott. Gero Valenza)
